အမရပူရမြို့ ရှိနှစ်ပေါင်း၆၀၀ ကျော် ပြီဖြစ်သော ရှေးဟောင်း ရတနာ့ ဂူဘုရားပွဲတော်သည် ယမန်နှစ်ကထက် ဘုရားဖူး ဧည့်သည်များ ပိုမို လာရောက်ပြီး အထူး စည်ကားလျက်ရှိကြောင်း ဘုရားဂေါပက အဖွဲ့မှ တာဝန်ရှိသူတစ်ဦးက မြန်မာတိုင်း(မ်)ကို ပြောသည်။
"ဒီနှစ်ဘုရားပွဲကဥပုသ်ရက်နဲ့ တနင်္ဂနွေရုံး ပိတ်ရက်တိုက် နေတာ ကြောင့်လည်း လာရောက်ဖူးမျှော်သူ အတော်များတယ်၊ နိုင်ငံခြားသား ဧည့်သည်တွေလည်း တစ်နေ့ကို လေးယောက်၊ ငါးယောက်လောက် လာတာ တွေ့ရတယ်၊ တချို့လည်း သမ္ဗာန်နဲ့ လာကြတယ်"ဟု ဂေါပက အတွင်းရေးမှူး ဦးခင်မောင်စိုးက ပြောသည်။
ဘုရားပွဲတော်အတွင်းပေ(၇x၁၅)ရှိ ဆိုင်ခန်းတစ်ခန်းကို ကျပ် ၁၅,၀၀၀ ဖြင့် ငှားရမ်းထားပြီး ယခုနှစ်တွင်လာရောက် ရောင်းချသည့် ဆိုင်ခန်း ပေါင်း ၁၅၅ ခန်း ရှိကာ ပွဲတော်ရက်အတွင်း နတ်ချော့ မည့် နတ်ကတော်များသည် တစ်နာရီလျှင် တစ်ယောက် ကျပ် ၁၃,၀၀၀ နှုန်း ဖြင့် ပေးချေကပြကြရရာ ပွဲတော်ပြီးဆုံးသည်အထိ နတ်က သည့် နတ်ကတော်ပေါင်း ၆၇ ဦးရှိကြောင်း ၎င်းက ပြောသည်။
"ဒီကရတဲ့ အလှူငွေတွေကိုဘုရား ရန်ပုံငွေအဖြစ် ထိန်းသိမ်းပြီး ဘုရား အတွက် လိုအပ်တဲ့နေရာတွေဖြစ်တဲ့ ပြသာဒ်တွေ၊ ပုပ္ပား မယ်တော်နန်းရဲ့ အမိုးတွေကို ပြန်လည်ပြင်ဆင်မှုတွေ လုပ်သွားမှာပါ" ဟု ဦးခင်မောင်စိုးက ပြောသည်။ အဆိုပါ ဘုရားပွဲတော်မှာ ပုပ္ပားမယ် တော်ချိုးရေသုံးသည့် ၀ါခေါင်လပြည့်ကျော် ၁၀ ရက်နှင့် ၁၄ ရက်များတွင် အစည်ကားဆုံးဖြစ်ပြီး တော်သလင်း လပြည့် ကျော် ၁၄ ရက်တွင် သံဃာအပါး ၂၀၀ကျော်အား ဆွမ်းလောင်းလှူမည် ဖြစ်သည်။
ပွဲတော်သို့ မြန်မာပြည် အောက်ပိုင်း မြို့များဖြစ်သော ပဲခူး၊ ရန်ကုန် စသည့် မြို့ကြီးများမှဘုရားဖူး ဧည့်သည်များ အများဆုံး လာရောက်ကြပြီး ၀ါခေါင် လပြည့်ကျော် ၉ ရက်မှ တော်သလင်း လဆန်း ၁ ရက်နေ့အထိ ဘုရားပွဲ ကျင်းပ ကြောင်း ၎င်းက ပြောသည်။
"ဘုရားပွဲကို မြန်မာပြည်အရပ်ရပ်က အများဆုံးလာကြပေမယ့် အောက်ပိုင်း ကဧည့်သည်တွေလာတာ ပိုများတယ်၊ အရင်က အောက်နန်း တစ်ခုပဲရှိခဲ့တာ၊ နောက်ပိုင်း ရေကြီးတော့ ရေလွတ်တဲ့ နေရာတွေကို ရွှေ့ပြောင်းရင်းနဲ့ အထက်နန်းနဲ့ အလယ်နန်းဆို ပြီးပေါ် လာပြီးတော့ ဧည့်သည်တွေလာတာပို များသွားတယ်" ဟု ဦးခင်မောင်စိုးက၊ပြောသည်။
ရတနာ့ဂူဘုရား၏ ထူးခြားချက်မှာ အမျိုးသားများသာမက အမျိုးသမီးများ ကိုယ်တိုင်ဘုရား ရွှေသင်္ကန်း ကပ်ခွင့်ရှိပြီး၊ ပွဲတော်သို့ လှေဖြင့်လာရောက် ကြရာတွင်လည်း လှေမှောက်မှုများ ရှိသည့်တိုင် လူအသေအပျောက် မရှိခဲ့ဖူးကြောင်း ၎င်းက ပြောသည်။
ရတနာ့ဂူဘုရားကို မြန်မာသက္ကရာဇ် ၇၄၅ ခုနှစ်တွင် အင်းဝဘုရင် မင်းကြီးစွာစော်ကဲက ရခိုင် ဆရာတော်ကြီး၏ ဆုံးမ ညွှန်ကြားမှုဖြင့် တည်ထားကိုးကွယ်ခဲ့ သဖြင့် အင်းဝ ပြည်ကြီးပျက်စီးမည့်ဘေးမှ ကင်းဝေးသာယာခဲ့ကြောင်းဆိုသည်။
မြန်မာသက္ကရာဇ် ၇၄၅ ခုနှစ်စတင်၍ ဘုရားပွဲကိုနှစ်စဉ် ကျင်းပခဲ့ပြီး၊ မြန်မာ သက္ကရာဇ် ၁၁၈၁ ခုနှစ်တွင်ပုပ္ပားမယ် တော်အားပူဇော်ပွဲ နှင့်အတူ ကျင်းပခဲ့ရာ ရတနာ့ဂူနတ်ပွဲဟု လူသိများလာကြောင်း ဦးခင်မောင်စိုးက ပြောသည်။
ရတနာ့ဂူဘုရားပွဲတော်လာ ပရိသတ်များကို တွေ့ရစဉ်။
ဓာတ်ပုံ - ရွှေဝါလွင်
credit -
0 comments:
Post a Comment
ဒီပိုစ့်ကိုနားမလည်လို့မေးမြန်းမလား? စမ်းကြည့်တာအဆင်မပြေလို့ မေးမြန်းမလား? ဒီပိုစ့်နဲကမဆက်စပ်တဲ့ တခြားနည်းပညာတွေကိုမေးမြန်းမလား? [Click Here] ကို သွားရန်မေးမြန်းပါ။